Wednesday, January 31, 2018

ಗ್ರಹಣ

ಅದೋ ನೋಡಲ್ಲಿ ಬಾನಿನಲ್ಲಿ
ತೇಲುತಿಹ ತಿಂಗಳನ ರಾಹುವೆಂಬ
ತಿಮಿರವು ಆಕ್ರಮಿಸುತಿದೆ
ನಮ್ಮ ಮನವನೂ ಕಷ್ಟಗಳ
ತಿಮಿರವು ಆಕ್ರಮಿಸಲು
ನಿದ್ದೆ ಬಾರದು,ಊಟ ಸೇರದು
ಸಾಂಕೇತಿಕವಾಗಿ ನಮ್ಮವರು
ಕಷ್ಟದಲ್ಲಿ ತೊಳಲುವಾಗ 
ನಾವು ಅವರ ಕಷ್ಟದಲ್ಲಿ ಭಾಗಿಯಾದೆವೆಂಬ ಸಮಾಧಾನ
ಕಷ್ಟಗಳು ಕಳೆಯೆ ಗ್ರಹಣ ಕಳೆದಂತೆ
ಸಂಭ್ರಮಕೆ ಕೊನೆಯೆಲ್ಲಿ
ಅನುಭವಕೆ ಹೃದಯ ಸ್ಪಂದನವಷ್ಟೆ//


Tuesday, January 30, 2018

ದೇವ ನಿನಗೆ ನಮಸ್ಕಾರ

ದೇವ ನಿನಗೆ ನಮಸ್ಕಾರ

ತಾಯಿಯೆಂಬ ಸ್ವರ್ಗವನೇ 
ಧರೆಯಲ್ಲಿ ನನಗೆ ನೀಡಿದ್ದಕ್ಕೆ
ಮೊದಲ ಗುರುವ ನೀಡಿದ್ದಕ್ಕೆ
ಕರುಣೆಯ ಕಡಲ ಕೊಟ್ಟಿದ್ದಕ್ಕೆ
ಮಮತೆಯ ಮಡಿಲ ನೀಡಿದ್ದಕ್ಕೆ
ಕುಟುಂಬದ ಕಣ್ಣ ನೀಡಿದ್ದಕ್ಕೆ
ಮನದ ಶಾಂತತೆಯ ಕಡಲ ನೀಡಿದ್ದಕ್ಕೆ\\

Sunday, January 28, 2018

ಮೊನಚು

ನೋವಾಗಿದೆ ಮನಸಿಗೆ
ಮುಳ್ಳು ಚುಚ್ಚದೇನೆ
ಮೊನಚು ಮಾತು ಸಾಕಲ್ಲವೇ
ನೋವಾಗಲು

ಈ ನೋವಿಗೆ ಔಷಧವಿಲ್ಲವೆಂದು
ಈಗಲೇ ತಿಳಿದಿದ್ದು
ಆ ರೋಗಕ್ಕೆ ಮದ್ದೇಯಿಲ್ಲವೆಂದು
ಈಗಲೇ ಗೊತ್ತಾಗಿದ್ದು

ಎರಡಕ್ಕೂ ಕಾಲವೇ ಮದ್ದು
ನೆನೆದರೆ ಮತ್ತೆ ನೋವಾಗುವುದು
ಬದುಕಿದ್ದೂ ಶವವಾಗೋಕೆ
ಇಷ್ಟು ಸಾಲದೇ? 
ವಿಷವಿಲ್ಲದೆ  ಸಾಯೋದಕ್ಕೆ
ಇಷ್ಟು ಸಾಲದೇ? 

Wednesday, January 24, 2018

ಸತ್ತಮಾತು

ನಿನ್ನೆಯೇ ಸತ್ತು ಹೋಯಿತು
ಮನದ ಮಾತುಗಳೆಲ್ಲಾ
ಈಗ ಕೇಳುತಿರುವಿರಿ
ಸತ್ತ ಮೇಲೆ ಮತ್ತೆ ಜೀವ
ಹೇಗೆ ಬಂದೀತು ಹೇಳಿ
ತುಂಬಾ ತಮಾಷೆ ಮಾಡಬೇಡಿ
ಬತ್ತಿಹೋದ ಕಂಗಳಿಂದ
ಕಣ್ಣೀರು ನಿರೀಕ್ಷಿಸಬಹುದೇ?
ಭರವಸೆ ಹೃದಯದಲ್ಲಿರಲಿ
ಒಣ ಬಟ್ಟೆಯಿಂದಲೂ ನೀರು ತೆಗೆಯಬಹುದು

ಮೆಟ್ಟಿಲು

ಹದಿನೆೃದು ವರುಷಗಳಿಂದ
ಮೆಟ್ಟಿಲುಗಳಾಗಿದ್ದೇವೆ:
ಬಹಳ ಮಂದಿಗೆ ಮೇಲೇರಲು
ಸಹಾಯ ಮಾಡುತ್ತಿದ್ದೇವೆ :
ನಾವು ಅವರಿಗಷ್ಟೆ ಸೀಮಿತ
ನಾವೆಂದೂ ಮೇಲೇರಲಾರೆವು:
ನಮ್ಮ ಸಾಧನೆ ಅವರು ಮೇಲೇರುವುದಕಷ್ಟೆ
ನಾವೆಂದೂ ಮೇಲೇರಲಾರೆವು:
ನಮ್ಮ ಸಾಧನೆ ನಮಗೆ ಶೂನ್ಯ ಸಂಪಾದನೆ:
ಇನ್ನೆಷ್ಟು ಮಂದಿಗೆ ಮೆಟ್ಟಿಲಾಗಬೇಕೋ?
ಸಾಧಕರು ಮೇಲೇರುವುದು ಬೇಡವೇ?
ಕತ್ತೆ ಎಂದಾದರೂ ಕುದುರೆಯಾಗಲು ಸಾಧ್ಯವೇ?
ನಾವು ಜೀವವಿರುವ ಮೆಟ್ಟಿಲುಗಳು
ನಿರ್ಜೀವವಾಗುವತ್ತ ನಮ್ಮ ಪಯಣ:

ಸಹಿಸಿಕೋ

 ಓ ಮನಸೇ ಸಹಿಸಿಕೋ ಈ ನೋವನು
ಆ ನೋವೇ ನೀನಾಗಿಬಿಡು,ಛಲ ಬಿಡದೆ
ಕಣ್ಣೀರು ಬತ್ತಿಹೋಗುವ ತನಕ,ಸತತ:
ಒಮ್ಮೆ ನಕ್ಕುಬಿಡು ಕಾಲೆಳೆವ ಜನರ 
ನಡೆಯ ಕಂಡು,ಕಲ್ಲು ಬಂಡೆಯಾಗಿಬಿಡು
ಅವರೇ ಹಣೆಯ ಚಚ್ಚಿಕೊಳ್ಳಲಿ ಬಿಟ್ಟು ಬಿಡು,
ನಿರ್ಲಿಪ್ತನಾಗು,ಪ್ರಾಮಾಣಿಕತೆಯ ಬಿಡದಿರು, 
ನಾಳೆಗಳ ಭರವಸೆಯ ತೊರೆಯದಿರು,
ಕಾಲವೆಂದೂ ನಿಂತ ನೀರಲ್ಲ,ಅಧಿಕಾರ 
ಧರ್ಪವೆಂದೂ ಶಾಶ್ವತವಲ್ಲ,ತಾಳ್ಮೆಯ ಶಕ್ತಿ ನಿನ್ನದಾಗಲಿ

Monday, January 8, 2018

ಬಲಿಪಶು

ಮನವು ನರಳಿದೆ
ರಾತ್ರಿ ಕಗ್ಗತ್ತಲಲ್ಲಿ ಇಳಿದಿದೆ
ನೋವ ಕಣ್ಣೇರು ಜಾರಿದೆ
ಮನದ ಮೇಲೆ ಪ್ರಶ್ನೆಗಳ 
ದಾಳಿ ಮಾಡಿದೆ ನಿಲ್ಲದೆ
ಮನದ ದುಃಖ ಯಾರಿಗೆ ಹೇಳಲಿ?
ಬಲಿಪಶುವಾಗಿಹೆನು
ಬದಲಾಗದ ವ್ಯವಸ್ಥೆಯಲ್ಲಿ:
ಕಡೆಗಣಿಸಲ್ಪಟಿದ್ದೇನೆ
ನನ್ನವರಿಂದಲೇ:
ದನಿಯಿಲ್ಲದವನು ನಾನು
ಮುಖವಾಡ ಧರಿಸಬೇಕಿದೆ
ಬೂಟಾಟಿಕೆಯ ನಾಟಕವಾಡಬೇಕಿದೆ:
ಮನವು ರೋಧಿಸಿದೆ
ನಿದ್ದೆ ಕಾಣದ ಕಂಗಳು ನರಳಿದೆ
ಕಂಗಳು ನರಳಿದ ಮನವ ಸಂತೆೃಸಿದೆ


ಗ್ರಹಣ

ಅದೋ ನೋಡಲ್ಲಿ ಬಾನಿನಲ್ಲಿ ತೇಲುತಿಹ ತಿಂಗಳನ ರಾಹುವೆಂಬ ತಿಮಿರವು ಆಕ್ರಮಿಸುತಿದೆ ನಮ್ಮ ಮನವನೂ ಕಷ್ಟಗಳ ತಿಮಿರವು ಆಕ್ರಮಿಸಲು ನಿದ್ದೆ ಬಾರದು,ಊಟ ಸೇರದು ಸ...